Kraftverket vil nytte eit fall på om lag 280 meter i Søråni, frå inntak like nedenfor Jordalsvatnet og ned til kote 245. Det er ikkje gjeve tillatelse til reguleringa av Jordalsvatnet som det vart søkt om. Vatnet vert i hovudsak ført i nedgrave røyr frå inntaket til kraftstasjonen.
For å sikre tilhøva for fisk og andre vassdragstilknytta artar, er det fastsett ei minstevassføring på 400 l/s i tida 1. mai – 30. september og 250 l/s resten av året.
Det er vidare lagt vekt på at dei tekniske inngrep skal verte tilpassa landskapet, og at ein unngår støyproblemer ved drift av kraftstasjonen. NVE vil sjå til at dette vert ivareteke gjennom godkjenning av detaljplanar for anlegget og oppfølging i byggetida.
NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser.
