NVE har motteke konsesjonssøknad med konsekvensutgreiing for Skveneheii vindkraftverk med tilhøyrande nettilknyting i Åseral kommune i Vest-Agder fylke.
Skveneheii Vindkraft AS (tidlegare HybridTech Skveneheii AS) søkjer i medhald av energilova om konsesjon for å byggje og drive eit vindkraftverk med 39 turbinar som vil gje ein installert effekt på inntil 120 MW. Planområdet ligg på fjellplatåa, Skveneheii og Stuttjørnheii. I fall det ikkje viser seg muleg med minnelege avtalar med grunneigarar, søkjer også Skveneheii Vindkraft AS om oreigning og førehandsovertaking. Søknaden er no på offentleg høyring.
På møtet vil NVE orientere om handsaminga av søknaden. Tiltakshavar vil orientere om plan og konsekvensutgreiing.
Søknaden med tilhøyrande konsekvensutgreiing er lagt ut til offentleg ettersyn i Åseral kommune. Dokumenta er òg tilgjengeleg på nve.no.
Frist for å komme med merknader er måndag 10. februar 2014.
