I vedtaka har NVE lagt vekt på at utbygging av kraftverka vil vere eit bidrag til ein fornybar energiproduksjon med avgrensa miljøeffektar.
Frøytlandsfoss kraftverk er planlagt med inntak på 94 moh og kraftstasjon på 77moh. Utløpsvatnet frå kraftverket går inn i magasinet til Høylandsfoss kraftverk. Høylandsfoss kraftverk.
Utvidinga av Høylandsfoss kraftverk inneber at den installerte effekten aukar frå 6,9 til 9,5 MW og slukevna aukar frå 14,3 til 20,0 m3/s. Dette vil auke kraftproduksjonen med 5,7 GWh samanlikna med tidligare situasjon.
Dei viktigaste problemstillingane i sakane slik NVE ser det, er omsynet til naturmangfaldet og landskapet. NVE meiner at dei negative konsekvensane av tiltaket i hovudsak er knytt til ål i vassdraget og verdien av Frøytlandsfoss som landskapselement. NVE har fastsett vilkår om minstevassføring for å ta omsyn til desse tilhøva.
NVE meiner at ei bygging av Frøytlandsfoss kraftverk og ei utviding av Høylandsfoss kraftverk er akseptable i høve til allmenne interesser og vil gi ei betre utnytting av ressursane i eit regulert vassdrag. NVE gir på bakgrunn av dette løyve til desse.
