Kraftverket vil nytte eit fall på 58 meter over omlag 600 meter i Lisleåna. Lisleåna er ei sideelv i Lyngdalsvassdraget som vart verna i verneplan III for vassdrag. Årsaka til vernet var Lyngdalsvassdragets urørde preg.
Etter NVE sitt syn vil Lisleåna kraftverk, med dei vilkåra som er satt, ikkje kome i konflikt med verneinteressene og heller ikkje vere i konflikt med andre kjende allmenne interesser i området.
Av omsyn til biologisk mangfald og landskapsinteresser har NVE fastsett ei minstevassføring på 150 l/s heile året. Omsøkt regulering av Rossevatn er funne å vere i strid med vernegrunnlaget, og er ikkje tillete. Inntaket må plasserast slik at vasstanden i Lautjørna ikkje kan endrast, og rørtraseen må bores gjennom fjell i dei øvste partia og deretter graves ned.
NVE vurderar utbygginga med dei fastsette avbøtande tiltaka til å vere akseptabel i høve til allmenne og private interesser.
