Kraftverket vil nytte eit fall på 91 meter over ei strekke på 600 meter i nedre del av Lisleåna mot Mandalselva.
Av omsyn til biologisk mangfald generelt og fiskebestanden spesielt, har NVE fastsett ei minstevassføring på 80 liter i sekundet heile året. I NVE sin vurdering er det også lagt vekt på at inntaksdammen til kraftverket får ei utforming og plassering som minimaliserer effekten på naturmiljøet i området.
NVE vurderer utbygginga med dei fastsette avbøtande tiltaka å vere akseptabel i høve til allmenne og private interesser.
